کالعدم تحریک طالبان نے وزیراعظم نواز شریف کے امریکا میں دیے گئے بیانات پر تحفظات کا اظہار کر دیا ہے۔

نجی ٹی وی کے مطابق کالعدم ٹی ٹی پی کے ترجمان نے ایک بیان میں کہا ہے کہ امریکا میں دیے گئے بیانات کے بعد نواز شریف ہمارے لیے قابل اعتماد نہیں رہے۔ نواز شریف نے امریکا جاتے ہی اپنے بیانات تبدیل کر دیے ہیں اس لیے ایسی صورت حال میں حکومت پراعتماد نہیں کیا جا سکتا۔ ترجمان نے کہا کہ نواز شریف کے بیانات سے ثابت ہو گیا ہے کہ وہ عوام اور طالبان دونوں کو دھوکا دے رہے ہیں۔