ضلع بننے سے سجاول میں خوشحالی آئے گی سسی پلیجو

سجاول کو ضلع بنانے کا اعلان پیپلز پارٹی اور عوام کی کامیابی ہے،سسی پلیجو۔ فوٹو: فائل

---

سجاول ضلع بننے سے عوام کو خوشحالی ملے گی، لوگوں کو روزگار ملے گا۔

ان خیالات کا اظہار سابقہ صوبائی وزیر سسی پلیجو نے ٹھٹھہ میں میڈیا سے بات چیت کے دوران کیا۔ انھوں نے کہا کہ سجاول کو ضلع بنانے کا اعلان پیپلز پارٹی اور عوام کی کامیابی ہے، اس ضلع سے عوام کے لیے مزید روزگار کے دروازے کھلیں گے۔



ضلع کی مخالفت کرنے والوں نے آج تک سجاول کے عوام کو کچھ نہیں دیا مگر پیپلز پارٹی نے ہمیشہ عوام کی خدمت کی، اسی لیے عوام کی محبتیں پیپلز پارٹی اور پیپلز پارٹی کی محبتیں عوام کے ساتھ ہیں۔ انھوں نے کہا کہ بلدیاتی الیکشن جلد ہوں گے اور ضلع سجاول اور ضلع ٹھٹھہ سے پیپلز پارٹی بھرپور کامیابی حاصل کرے گی اور مخالفین میدان چھوڑ کے بھاگ جائیں گے۔