نیب نے وزیراعلی سندھ کو آج طلب کرلیا

مراد علی شاہ کو کینٹ ہیڈ کوارٹر نیب میں طلب کیا گیا ہے، ذرائع (فوٹو: فائل)

---

نیب کراچی نے وزیر اعلیٰ سندھ مراد علی شاہ کو پوچھ گچھ کے لیے آج طلب کرلیا۔

ایکسپریس نیوز کے مطابق نیب کراچی نے وزیرِ اعلیٰ سندھ مراد علی شاہ کو طلب کرلیا، مراد علی شاہ کو جے آئی ٹی کیس میں پوچھ گچھ کے لیے 11 بجے کینٹ ہیڈ کوارٹر طلب کیا گیا ہے جہاں نیب کی کمبائن انویسٹی گیشن ٹیم ان سے پوچھ گچھ کرے گی۔

یہ پڑھیں: سندھ کونقصان پہنچا تو وفاق بھی نہیں بچے گا، مراد علی شاہ

ذرائع کا کہنا ہے کہ وزیراعلیٰ سندھ کے شیڈول میں 11 بجے کا نیب جانے کا ریمائنڈر لگا دیا گیا ہے جب کہ نیب کی 15 رکنی ٹیم بھی کراچی پہنچ گئی ہے، ٹیم میں جس میں 11 تحقیقاتی افسر اور 4 اسسٹنٹ شامل ہیں۔