قصور واقعے پر ہر ایک کا احتساب ہوگاوزیراعظم عمران خان

عام آدمی کیلئے کام نہ کرنے والوں کیخلاف ایکشن لیا جائے گا، وزیراعظم . فوٹو:فائل

---

وزیراعظم عمران خان نے کہا ہے کہ قصور واقعے پر ہر ایک کا احتساب ہوگا۔

وزیراعظم نے قصور واقعے سے متعلق سماجی رابطے کی ویب سائٹ پر اپنے ٹوئٹ میں کہا ہے کہ قصور واقعے پر ہر ایک کا احتساب ہوگا، عام آدمی کیلئے کام نہ کرنے والوں کیخلاف ایکشن لیا جائے گا، اب تک یہ اقدامات پنجاب پولیس اور حکومتِ پنجاب کی جانب سے ہی اٹھائے گئے ہیں۔

یہ بھی پڑھیں :قصورمیں 3 بچوں سے زیادتی و قتل کیخلاف ہڑتال اورشدید احتجاج

On the Kasur incident: There will be accountability for all. Those who do not perform in the interest of the common man will be taken to task. Following actions have so far been taken by the Punjab police & the provincial govt:

1) DPO Kasur being removed.

— Imran Khan (@ImranKhanPTI) September 18, 2019

عمران خان نے کہا کہ اب تک ڈی پی اوقصور کو عہدے سے ہٹایا جا چکا ہے، ایس پی انویسٹی گیشن قصور کو چارج شیٹ دے دی گئی ہے مزید کارروائی جاری ہے، ڈی ایس پی اور ایس ایچ او کو بھی معطل کیا جا چکاہے۔

2) SP investigation Kasur surrendered, charge sheeted and being proceeded against.

3) DSP and SHO suspended.

4) Major overhaul in Kasur local police on the cards.

5) Formal probe ordered under Addl IG.

— Imran Khan (@ImranKhanPTI) September 18, 2019

وزیراعظم نے مزید کہا کہ قصور پولیس میں بڑی اوورہالنگ کی تجویز ہے تاہم ایڈیشنل آئی جی کی زیر نگرانی تفتیش کے احکامات دے دیے گئے ہیں۔

واضح رہے گزشتہ روز قصور کے علاقے چونیاں انڈسٹریل اسٹیٹ سے3 بچوں کی لاشیں برآمد ہوئی تھیں جنہیں زیادتی کے بعد قتل کیا گیا تھا جس پر شہر میں مکمل ہڑتال اور شدید احتجاج کیا جارہا ہے۔