قصور میں بچوں سے زیادتی پر شوبز فنکاروں میں بھی غم و غصہ

بچوں سے زیادتی کے واقعات ایک لعنت ہے جسے ختم کرنے کے لیے سنجیدہ منصوبہ بندی کی ضرورت ہے، نادیہ جمیل

ویب ڈیسک September 19, 2019

قصور میں یہ سب نیا نہیں ہورہا اگر وزیراعلیٰ پنجاب پہلے نوٹس لے لیتے تو یہ واقعات ہوتے ہی نہیں، نادیہ جمیل فوٹوفائل

قصور میں3 معصوم بچوں کے ساتھ زیادتی، بہیمانہ تشدد اور قتل پر جہاں ہر آنکھ اشکبار ہے وہیں شوبز فنکاروں نے بھی واقعے پر حکومتی نااہلی پر اظہار افسوس کیا ہے۔

گزشتہ روز پنجاب کے شہر قصور کے علاقے چونیاں انڈسٹریل اسٹیٹ سے 3 بچوں کی لاشیں برآمد ہوئی تھیں جن میں سے ایک بچے کی شناخت سفیان کے نام سے ہوئی جب کہ دیگر دونوں بچوں کی لاشیں ناقابل شناخت تھیں۔ پوسٹ مارٹم رپورٹ میں بچے کے ساتھ زیادتی کی تصدیق ہوگئی تھی۔ اس واقعے نے گزشتہ برس قصور میں پیش آنے والے زینب قتل کیس کی یاد تازہ کردی اور لوگ ایک بار پھرحکومت اورانتظامیہ کی نااہلی پر برس پڑے جن میں شوبز فنکار بھی شامل ہیں۔

اداکارہ و سماجی کارکن نادیہ جمیل نے قصور میں تین بچوں کی ہلاکت پر شدید غم وغصے کا اظہار کرتے ہوئے کہا ہے کہ میں لمبے عرصے سے قصور میں کام کررہی ہوں اور یہ دیکھنا تباہ کن ہے کہ وہاں بچوں کے ساتھ کیاہوتاہے، کیسے انہیں نام نہاد انصاف دیاجاتاہے۔

Uff. I worked in Kasur for a long time. It was devastating to see what was done to those children. How little justice they have received. How many men were involved. https://t.co/jzVs59jvW5
— Nadia Jamil (@NJLahori) September 17, 2019

قصور واقعے پر وزیر اعلیٰ پنجاب عثمان بزدار کی جانب سے لیے جانے والے نوٹس پر نادیہ جمیل نے طنز کرتے ہوئے کہا کہ نوٹس؟ قصور میں یہ سب نیا نہیں ہورہا اگر آپ پہلے نوٹس لے لیتے تو یہ واقعات ہوتے ہی نہیں۔ خدا کے لیے ان بچوں کا بھی نوٹس لیں جو بچ گئے ہیں۔ وہ بچے جو درندگی کا شکار ہوتے ہیں انہیں انصاف نہیں ملتا اور دوسرے بچے مسلسل بدسلوکی ہونے کے ڈر میں جی رہے ہیں۔

Notice?! Kasur is not new to this. If he had taken Notice before perhaps this would not have happened. Sickened 2 the soul...No words. None.
For God's sake! Take Notice of the kids left also! The abused ones who never got justice & those who live in constant fear of being abused https://t.co/BC7E5RMAyd
— Nadia Jamil (@NJLahori) September 18, 2019

نادیہ جمیل نے کہا قصور میں بچوں میں اعتماد آنے لگاتھا اور وہ محبت سیکھنے لگے تھے لیکن ہم نے انہیں دوبارہ ناکام کردیا۔

But we failed them again https://t.co/Xh1LmGztk8
— Nadia Jamil (@NJLahori) September 18, 2019

نادیہ جمیل نے واقعے کے خلاف احتجاج پر اپنی رائے کا اظہار کرتے ہوئے کہا ہم پھر سے اسی طرح جاگ اٹھے ہیں جس طرح سب نے 2013 میں آواز اٹھائی تھی، جیسے سب زینب واقعے پر اٹھ کھڑے ہوئے تھے۔ لیکن ایک بار پھر سے کچھ آوازیں اٹھیں گی، تھوڑا سا شور مچے گا اور پھر سب خاموش ہوجائیں گے، جب تک کہ دوسرے بچوں کے ساتھ زیادتی نہیں ہوگی اور وہ مر نہیں جائیں گے۔ یہاں بچوں کی حفاظت کے لیے کوئی منصوبہ بندی نہیں ہے۔

And we wake up again briefly. As everyone one woke up in 2013. As everyone woke up for Zainab. A brief peek, some noise and then oblivious sleep while more kids are killed, abused, rape. No plan in place. Ridiculous. When will CHILDREN MATTER ENOUGH @pid_gov When will you LISTEN!
— Nadia Jamil (@NJLahori) September 18, 2019

نادیہ جمیل نے وزیر اعظم سے درخواست کرتے ہوئے کہا کہ ان خوفزدہ بچوں کے آگے پوری زندگی پڑی ہے یہ وقت ان کے ہنسنے کھیلنے کا ہے لیکن ہم انہیں کیا بتا رہے ہیں ہماری ناکامی۔ بچوں کی حفاظت سب سے ضروری ہے، اور یہی ہماری پہلی ترجیح ہونی چاہیئے۔

And now hear more screams in your head. Frightened little boys. Babies. There whole life ahead of them. Their time to play and laugh. And what did we let them be exposed to. Our failure. Child protection is a MUST. it is the only priorty.i beg you @ImranKhanPTI https://t.co/qMHagKc3NG
— Nadia Jamil (@NJLahori) September 18, 2019

نادیہ جمیل نے مزید کہا کہ بچوں کے ساتھ زیادتی اورقتل کے واقعات صرف قصور میں نہیں ہورہے بلکہ یہ ایک بیماری ہے جو ہمیں ختم کرسکتی ہے۔ یہ واقعات صرف پنجاب میں نہیں ہورہے بلکہ خیبرپختونخوا، سندھ اوربلوچستان میں بھی یہ سب ہورہا ہے میں آپ سے درخواست کرتی ہوں سر یہ ایک لعنت ہے جسے ختم کرنے کے لیے سنجیدہ منصوبہ بندی کی ضرورت ہے۔

Its not just Kasur. Its a disease that can finish us. I have worked w these children in most cities in Punjab. I have heard of what happens in KPK, Sindh, Balochistan. I beg you Sir, this is a scourge that needs serious planning to eliminate. A many pronged attack🙏 @ImranKhanPTI
— Nadia Jamil (@NJLahori) September 18, 2019

نادیہ جمیل کے علاوہ اداکارہ ماہرہ خان نے بھی قصور واقعے پر وزیراعظم عمران خان کی اس ٹویٹ کو ری ٹویٹ کرکے اپنا احتجاج ریکارڈ کرایا جس میں وہ قصور واقعے میں ملوث مجرموں کو احتساب کے کٹہیرے میں لانے کی بات کررہے ہیں۔