جنوبی افریقہ کے خلاف سیریز آسان نہیں ہوگی اسد شفیق

زمبابوے کے خلاف سیریز میں میری پرفارمنس اچھی نہیں تھی ،نوجوان کرکٹر۔فوٹو: فائل

---

ISLAMABAD: نوجوان بیٹسمین اسد شفیق نے کہا ہے کہ جنوبی افریقہ نمبر ون ہے، سیریز ہمارے لیے آسان نہیں ہوگی۔

البتہ پروٹیز نے اپنے ہوم گرائونڈز پر ہمیں مشکل کنڈیشنز میں پھنسایا، اب اپنے لیے سازگار متحدہ عرب امارات کی وکٹوں پر ان کا شکار کریں گے۔ تربیتی کیمپ کے دوران میڈیا سے گفتگو کرتے ہوئے اسد شفیق نے کہا کہ زمبابوے کے خلاف سیریز میں میری پرفارمنس اچھی نہیں تھی لیکن بیٹنگ میں مسائل کو ایک چیلنج کے طور پر لیا، امید ہے کہ یو اے ای میں اچھی کارکردگی کا مظاہرہ کروں گا۔



ایک سوال پر انھوں نے کہا کہ ٹیم میں کھلاڑیوں کا آنا جاناکوئی نئی بات نہیں، کپتان اور کوچ میچ کی صورتحال کو پیش نظر رکھتے ہوئے ہی کسی پلیئر کو کھلانے یا ڈراپ کرنے کا فیصلہ کرتے ہیں، تاہم اگر ایک کھلاڑی کو مسلسل موقع دیا جائے تو اس کی پرفارمنس بہتر ہوتی جاتی ہے، مجھے ٹیم میں کسی میچ کیلیے جو بھی کردار دیا جائے ، اس سے انصاف کرنے کی پوری کوشش کرتا ہوں۔