جگن کاظم نے سرکاری چینل سے کنارہ کشی اختیار کر لی

اداکارہ گزشتہ آٹھ سال سے پی ٹی وی پر ’ہانیسٹلی اسپیکنگ ود جگن کاظم‘ کے نام سے مارننگ شو کر رہی تھیں (فوٹو: فائل)

---

ٹیلی ویژن میزبان و اداکارہ جگن کاظم نے پاکستان ٹیلی ویژن سے کنارہ کشی اختیار کرلی اور ساتھ اس کی وجہ بھی بتادی۔

جگن کاظم گزشتہ 8 سال سے پی ٹی وی سے وابستہ تھیں جہاں وہ آنیسٹلی اسپیکنگ ود جگن کاظم (Honestly Speaking With Juggun Kazim) کے نام سے شو کر رہی تھیں، وہ کچھ عرصے سے اسکرین سے غائب تھیں اور اداکارہ کی اسکرین پر عدم موجودگی پر سوشل میڈیا پر قیاس آرائیاں جارہی تھیں تاہم اب جگن نے سامنے آکر نہ صرف تمام تر افواہوں کی تردید کی بلکہ چینل چھوڑنے کی بھی وجہ بتا دی۔

جگن کاظم نے ٹویٹر پر اپنی ایک ویڈیو کے ذریعے پی ٹی وی چھوڑنے کی وجہ بتاتے ہوئے کہا کہ یوٹیوب کے چینل پر تو آپ لوگوں سے ملاقات ہوتی رہتی ہے لیکن یہ ویڈیو اُن لوگوں کے لیے جو بار بار پوچھ رہے ہیں کہ پی ٹی وی پر نشر ہونے والے شو سے میں کیوں غائب ہوں اور چینل ریپیٹ پر کیوں چل رہا ہے؟۔

PTV was like a home to me & I will always respect it as my mother institution. Why did I #juggunkazim leave PTV? Where I am working now?
Watch the full video at 8pm.
Subscribe to my YouTube channel: https://t.co/pVMjSgTluX #Juggunsays #JuggunKazim #Channel24 #24newshd @24NewsHD pic.twitter.com/BEdtlgOFIo

— Juggun Kazim (@JuggunKazim) September 17, 2019

جگن نے یہ بھی کہا کہ میں سب لوگوں کو بتانا چاہتی ہوں کہ میں پی ٹی وی سے استعفی دے چکی ہوں اور اس وقت ایک نیوز چینل سے وابستہ ہو گئی ہوں۔ درحقیقت معمول کی زندگی اچھی ہوتی ہے اور اگر ہم زندگی میں ہر کام وقت کے ساتھ اور پابندی سے کریں تو اچھا ہوتا ہے لیکن جب آپ آٹھ سال سے ایک ہی جگہ پر ایک ہی کام اور ایک ہی پوزیشن پر کرتے ہیں تو پھر وہ کام بوریت برپا کر دیتا ہے۔