پی آئی اے ساتھی ملازم پر تشدد میں ملوث ملازم کی خلاف قانون ترقی

مذکورہ آفیسر نے متعدد لوگوں کے ہمراہ پی آئی اے کے ایک ملازم کو بدترین تشدد کا نشانہ بنایا تھا

ویب ڈیسک September 19, 2019

مذکورہ آفیسر نے متعدد لوگوں کے ہمراہ پی آئی اے کے ایک ملازم کو بدترین تشدد کا نشانہ بنایا تھا (فوٹو : فائل)

پی آئی اے انتظامیہ نے خلاف قوانین ساتھی ملازم پر تشدد کے جرم میں ملوث ملازم کو ترقی دے دی۔

ایکسپریس نیوز کے مطابق پی آئی اے میں خلاف ضابطہ اور خلاف قوانین اقدامات کا سلسلہ جاری ہے، حال میں انتظامیہ نے گروپ فور کے اپروو انسپکٹر وقار جاوید پی نمبر 63066 کو گروپ فائیو کے آفیسر انجینئرنگ کے عہدے پر ترقی دے دی ہے۔

پی آئی اے قوانین کے مطابق جس ملازم کے خلاف ڈسپلنری انکوائری جاری ہو انکوائری کمیٹی کی جانب سے اس شخص کے الزام سے بری الذمہ ہونے تک ملازم کو کسی بھی قسم کی ترقی نہیں دی جاسکتی۔

PIA employee waqar ahmed illegal promotion latter

مذکورہ آفیسر نے متعدد لوگوں کے ہمراہ پی آئی اے کے ایک ملازم کو بدترین تشدد کا نشانہ بنایا تھا جس پر انکوائری کمیٹی نے کئی افراد کو ذمہ دار قرار دیتے ہوئے واقعے کے تین مرکزی کرداوں کو شوکاز نوٹس جاری کیا تھا جن میں سے ایک سابق ایئرلیگ (سی بی اے) کے عہدے دار وقار جاوید بھی ہیں۔

کمیٹی کی جانب سے وضاحت طلبی کے باوجود پی آئی اے ایچ آر ڈیپارٹمنٹ نے اس معاملے کو نظر انداز کرتے ہوئے افسر کو خلاف قانون ترقی دی اور اس کا نوٹی فکیشن بھی جاری کردیا۔