کراچی سہراب گوٹھ میں کارروائی کے دوران ملزمان کے دستی بم حملے میں 2 پولیس اہلکار زخمی

گرفتار کئے گئے ملزمان کے قبضے سے پولیس اور سیکیورٹی گارڈز کی وردیاں، رینجرز یونیفارم کی ٹوپیاں اور ایک مغوی شخص کا شناختی کارڈ ملا، پولیس حکام فوٹو: ایکسپریس نیوز

---

سہراب گوٹھ کے علاقے میں پولیس اور رینجرز کے مشترکہ کارروائی کے دوران دستی بم حملے میں ایس ایچ او سمیت 2 پولیس اہلکار زخمی ہوگئے تاہم پولیس نے کارروائی جاری رکھتے ہوئے 22 مشتبہ افراد کو حراست میں لے لیا۔

پولیس کے مطابق سہراب گوٹھ میں واقع معمار کمپلیکس میں سرچ آپریشن کے دوران ملزمان نے پولیس پر 4 دستی بم پھینکے جس کے نتیجے میں ایس ایچ او سمیت 2 پولیس اہلکار زخمی ہوگئے جبکہ ملزمان فرار ہوگئے، واقعے کے بعد پولیس اور رینجرز نے علاقے کا محاصرہ کرکے 22 مشتبہ افراد کو حراست میں لے لیا جن کے قبضے سے اسلحہ، پولیس اور سیکیورٹی گارڈز کی وردیاں، رینجرز یونیفارم کی ٹوپیاں اور ایک مغوی شخص کا شناختی کارڈ ملا، کارروائی کے دوران سلطان آباد سے اغوا کئے گئے ایک شخص کو بھی بازیاب کرالیا گیا۔