پشاور چڑیا گھر سے لاپتہ بھالو 3روز بعد مل گیا

ننھے ریچھ کو بحفاظت واپس چڑیا گھر منتقل کر دیا گیا۔ فوٹو: فائل

---

چڑیا گھر سے 3 روز قبل لاپتہ ہونے والا بھالو بالآخر مل گیا۔

پشاور چڑیا گھر سے 3 روز قبل ننھا بھالو لاپتہ ہوگیا تھا۔ چڑیا گھر کے عملے سمیت پولیس بھی 3 دن تک ننھے ریچھ کو تلاش کرتی رہی لیکن ننھا ریچھ نہیں ملا ، اس سلسلے میں چڑیا گھر سے ملحقہ آبادی میں بھالو کی گمشدگی اور اسے نقصان نہ پہنچانے کے پمفلٹس بھی تقسیم کئے گئے

انتظامیہ کی تین دن کی تگ و دو کے بعد ننھے ریچھ کا پتہ لگا لیا گیا۔ ننھا ریچھ فاریسٹ دفتر سے متصل جھاڑیوں میں سے ملا ہے جس کو بحفاظت واپس چڑیا گھر منتقل کر دیا گیا۔