ڈرون حملے جاری رہے تو جنگ بندی قبول نہیں کریں گے کالعدم تحریک طالبان

کالعدم تحریک طالبان کےترجمان شاہد اللہ شاہد نے کہا ہے کہ اگر قبائلی علاقے میں امریکی ڈرون حملے جاری رہے تو وہ جنگ بندی پر عمل نہیں کریں گے۔


غیرملکی خبررساں ایجنسی سے بات کرتے ہوئے کالعدم تنظیم کے ترجمان کا کہنا تھا کہ پاکستانی فوج کی جانب سے فائرنگ بند کافی نہیں ہے، جنگ بندی کے لیے ڈرون حملوں کو بھی بند کرنا ہو گا، اگر قبائلی علاقے میں ڈرون حملے جاری رہے تھے ہم جنگ بندی کو قبول نہیں کریں گے۔

واضح رہے کہ شاہد اللہ شاہد کی جانب سے بیان اس وقت سامنے آیا ہے جب گزشتہ روز کالعدم تنظیم کے ایک سینئر طالبان کمانڈر نے دعوی کیا تھا کہ ان کے حکومت کے ساتھ مذاکرات ایک اہم موڑ پر ہیں اس لیے ترجمان شاہد اللہ شاہد کے موبائل نمبر بند کرکے ان کے بیان دینے پر پابندی عائد کردی گئی ہے۔