وزیر خارجہ سے صدر انٹرنیشنل کرائسس گروپ کی ملاقات مسئلہ کشمیر پر تبادلہ خیال

خطے میں دیرپا قیام امن کیلئے باہمی تنازعات کا حل ناگزیر ہے،شاہ محمود قریشی فوٹو:ٹوئٹر

---

وزیر خارجہ شاہ محمود قریشی نے کہا ہے کہ خطے میں دیرپا قیام امن کیلئے باہمی تنازعات کا حل ناگزیر ہے۔

صدر انٹرنیشنل کرائسس گروپ رابرٹ مالے نے نیویارک میں وزیر خارجہ شاہ محمود قریشی سے ملاقات کی۔ دونوں شخصیات نے مقبوضہ جموں و کشمیر میں جاری انسانی حقوق کی سنگین خلاف ورزیوں کے حوالے سے تبادلہ خیال کیا۔

شاہ محمود قریشی نے کہا کہ بین الاقوامی میڈیااورانسانی حقوق کی تنظیمیں بھارتی مظالم کا پردہ چاک کر رہی ہیں، ہندوستان نے 5 اگست سے بدترین کرفیو نافذ کر کے 80 لاکھ کشمیریوں کو یرغمال بنا رکھا ہے، جان بچانے والی ادویات اور خوراک تک میسر نہیں ہو رہی، خطے میں دیرپا قیام امن کیلئے باہمی تنازعات کا حل ناگزیر ہے۔

President of International Crisis Group Robert Malley in New York calls on Foreign Minister Shah Mahmood Qureshi https://t.co/OInfBjXvbQ pic.twitter.com/2AxIPbfYKD

— Radio Pakistan (@RadioPakistan) September 23, 2019