پاکستان کسٹمز نے بھارتی مصنوعات کی اسمگلنگ ناکام بنا دی

دبئی سے درآمدہ کنٹینرز میں سے بھارتی دھاگہ، کاسمیٹکس، کچن ویئر و دیگر اشیا برآمد

Ehtisham Mufti September 24, 2019

گڈز ڈکلیریشن میں یارن کو چائنا اوریجن اور 3 کنٹینرز میں پرانے ملبوسات ظاہر کیے گئے تھے فوٹو : فائل

پاکستان کسٹمز اپریزمنٹ ایسٹ کلکٹریٹ نے بھارتی میٹالک یارن سمیت دیگربھارتی مصنوعات کی اسمگلنگ کوناکام بناتے ہوئے کنسائنمنٹس ضبط کرلیے۔

ذرائع نے ایکسپریس کو بتایا کہ کلکٹراپریزمنٹ ایسٹ ڈاکٹرندیم میمن کو خفیہ اطلاع موصول ہوئی تھی کہ متحدہ عرب امارات سے درآمدہونے والے متعددکنسائنمنٹس میں بھارتی مصنوعات کی منظم انداز میں اسمگلنگ کی کوشش کی جارہی ہے جس پرانہوں نے فوری طورپر محکمہ کسٹمزکے شعبہ آراینڈڈی ایسٹ میں تعینات افسران کودبئی (جبل علی )سے درآمدہونے والے کنسائنمنٹس کی نگرانی اور جانچ پڑتال سخت کرنے کی ہدایات جاری کیں.

ایڈیشنل کلکٹرشفیق الرحمن کی سربراہی میں ایک ٹیم تشکیل دی جس میں ڈپٹی کلکٹرایگزامینشن رضوان، ڈپٹی کلکٹرآراینڈڈی ارسلان مجیدرانا،پرنسپل اپریزرابراہیم خان،اپریزنگ آفیسرمحمدہاشم ملک شامل تھے۔