سندھ ہائیکورٹ کا سابق صدر آصف زرداری کی خصوصی سیکیورٹی میں اضافے کا حکم

سندھ ہائی کورٹ نے وفاق اور صوبائی حکومت کو آصف زرداری کی خصوصی سیکیورٹی میں اضافے کا حکم دے دیا ہے۔


سابق صدر آصف علی زرداری کی جانب سے پیپلز پارٹی کے مرکزی رہنما سینیٹر فاروق ایچ نائیک کی وساطت سے دائر کی جانے والی درخواست میں چیف سیکرٹری سندھ، رینجرز اور وفاقی حکومت کو بھی فریق بناتے ہوئے موقف اختیار کیا گیا کہ طالبان نے ان کی اہلیہ بے نظیر بھٹو کو شہید کیا اسی طرح شدت پسند انہیں بھی قتل کرسکتے ہیں اس لئے انہیں خصوصی سیکیورٹی فراہم کی جائے۔

سندھ ہائی کورٹ نے سابق صدر کی درخواست منظور کرتے ہوئے وفاق اور سندھ حکومت کو ان کی خصوصی سیکیورٹی میں اضافے کا حکم دے دیا ہے، اس کے علاوہ سابق صدر ذاتی خرچے پر بھی اپنی سیکیورٹی کے انتظامات کرسکتے ہیں۔