گلوکار یاسر اختر نے پاکستانی میوزک انڈسٹری سے دوری کی وجہ بتا دی

معروف بین الاقوامی شہرت یافتہ گلوکار یاسر اختر نے میوزک نگری سے دوری کی وہ بتا دی۔

یاسر اختر نے ایک ویب سائٹ کو انٹرویو میں کہا کہ میں نے اپنی گلوکاری میں کبھی وقفہ دیا ہی نہیں کیوں کہ میں نے پاکستان سے باہر برطانیہ میں رہ کر بھی اپنے اندر چھپے فنکار کو زندہ رکھا ہوا ہے۔ یہاں تک کہ وہاں کے نامور فنکاروں کے ساتھ مل کر اُن کی انڈسٹری کے لئے میوزک ،ویڈیوز اور ڈرامے بنائے جس میں ہم کامیاب بھی رہے۔

https://www.youtube.com/watch?v=yrFTsPIaCHA

یاسر اختر نے یہ بھی کہا کہ میں نے پاکستان کی طرح وہاں بھی نئے فنکار متعارف کروائے۔ حتیٰ کہ ہمیشہ کی طرح اب بھی اپنی ویڈیوز کے ذریعے یورپی یونین کے حسین ترین مقامات کو اجاگر کرتا رہتا ہوں۔ بیرون ملک میں رہتے ہوئے پاکستانی سفارخانوں کے ساتھ ہمیشہ کام کیا۔


https://www.youtube.com/watch?v=dLlKG_SorQw

گلوکار یاسر اختر نے مذاحیہ انداز میں کہا کہ میری خبر کم آنے کی وجہ یہ بھی ہے کہ ہم سے زیادہ چینلز پر شیخ رشید نظر آتے ہیں۔

https://www.youtube.com/watch?v=9C5S2NtXfOg

واضح رہے کہ 90ء کی دہائی میں مقبول ترین گلوکار سمجھے جانے والے یاسر اختر نے اپنے فنی کیریئر میں متعدد گانے گائے جب کہ اُن کے کچھ مشہور گانے 'چاندنی ، زرا من کو دیکھنا اور جوگی جیسے گانے آج بھی لوگوں کے ذہنوں میں تازہ ہیں۔