کابینہ نے پاکستان اسٹیل مل سمیت31اداروں کی نجکاری کی منظوری دیدی
کابینہ نے سرکاری اداروں کے 26 فیصد حصص کی فروخت کا عمل بھی شروع کرنے کی منظوری دے دی ہے۔
کابینہ کا اداروں کی نجکاری کرتے وقت ملازمین کے مفادات کے تحفظ کو یقینی بنانے کا فیصلہ. فوٹو: فائل
کابینہ کی نجکاری کمیٹی نےپی آئی اے ،پاکستان ریلوے، اسٹیل مل، ہیوی الیٹریکل کمپلکس اور بجلی کی تقسیم کارکمپنیوں سمیت 31سرکاری اداروں کی نجکاری کا عمل شروع کرنے کی منظوری دے دی ہے۔
وفاقی وزیر خزانہ و نجکاری اسحاق ڈار کی زیر صدارت ہونے والے اجلاس میں کابینہ کی نجکاری کمیٹی نے نجکاری کمیشن کو ہدایت کی کہ اداروں کی نجکاری کرتے وقت ملازمین کے مفادات کے تحفظ کو یقینی بنایا جائے، اجلاس میں پی آئی اے، نیشنل کنسٹریکشن کمپنی اور پاکستان ریلوے سمیت خسارے کا شکار دیگر سرکاری اداروں کے 26 فیصد حکومتی حصص کی فروخت کا عمل بھی شروع کرنے کی منظوری دے دی گئی ہے۔