سانگھڑ 2 نقاب پوش ڈاکو حسیناؤں نے گھر لوٹ لیا

اسلحہ کے زور پر لاکھوں روپے کے طلائی زیورات اور نقدی چھین کر فرار۔۔فوٹو : فائل

---

سانگھڑ شہر میں 2 نقاب پوش ڈاکو حسیناؤں نے اہل خانہ کو یر غمال بنا کر گھر لوٹ لیا ، اسلحہ کے زور پر لاکھوں روپے کے طلائی زیورات اور نقدی چھین کر فرار۔

اطلاعات کے مطابق سانگھڑ شہر کی ہاؤسنگ سوسائٹی کے ایک گھر میں دن دہاڑے 2 نقاب پوش خواتین پولیو کے قطرے پلانے کے بہانے داخل ہوئیں اور اسلحہ کے زور پر زاہد انصاری کے اہل خانہ کو یرغمال بنا کر لاکھوں روپے کے طلائی زیورات اور نقد رقم لوٹ کر فرار ہوگئیں۔ سانگھڑ تھانہ رابطہ کرنے پر بتایا گیا کہ ڈکیتی کی اطلاع ملی ہے تاہم کوئی فریادی کیس داخل کرانے نہیں آیا، البتہ ایس ایچ او جائے واردات پر گئے ہوئے ہیں، واپس آکر تفصیل بتائیں گے۔