اللہ تعالی عمران خان سے کوئی بڑا کام لینا چاہتا ہے شاہد آفریدی

عمران خان نے حقیقی معنوں میں پاکستان اور کشمیر کی نمائندگی کرکے سب کے دل جیت لیے ہیں، سابق کپتان

Muhammad Yousuf Anjum/ September 28, 2019

عمران خان نے حقیقی معنوں میں پاکستان اور کشمیر کی نمائندگی کرکے سب کے دل جیت لیے، سابق کپتان (فوٹو: فائل)

سابق کپتان شاہد آفریدی کا کہنا ہے کہ عمران خان نے اسلام ، پاکستان اور کشمیر کا مقدمہ بڑے جرات مندانہ طریقے سے دنیا کے سامنے پیش کیا۔

لاہورمیں کپڑے والے ایک برانڈ کی آوٹ لٹ پر افتتاح کے موقع پر بوم بوم نے کہا کہ سری لنکن ٹیم کا پاکستان آنا بہت خوش آئند ہے، شائقین کرکٹ کو بھی اپنے اسٹارز کھلاڑیوں کو اپنے گراونڈز پر کھیلتے ہوئے دیکھنے کا موقع مل رہا ہے، جو زبردست چیز ہے، یقین ہے کہ اگلے میچوں میں بہترین کرکٹ دیکھنے کو ملے گی، بڑے عرصے بعد اتنی بارش کراچی میں دیکھی ہے۔

اس موقع پر انہوں نے وزیر اعظم عمران خان کی اقوام متحدہ میں تقریر کو زبردست خطاب قرار دیتے ہوئے کہا کہ انہوں نے اسلام ، پاکستان اور کشمیر کا مقدمہ بڑے جرات مندانہ طریقے سے دنیا کے سامنے پیش کیا، عمران خان نے حقیقی معنوں میں پاکستان اور کشمیر کی نمائندگی کرکے سب کے دل جیت لیے ہیں، اللہ تعالی ان سے کوئی بڑا کام لینا چاہتا ہے، ہم سب ان کی کامیابی کے لیے دعاگو ہیں۔