عمران خان کی تقریر سے بوکھلاہٹ کی شکار مودی سرکار دھمکیوں پر اتر آئی

بھارتی وزیردفاع راج ناتھ سنگھ کی پاکستان کو جنگ کی دھمکی۔ وزیردفاع (فوٹو: فائل)

---

KARACHI: اقوام متحدہ کی جنرل اسمبلی میں وزیراعظم عمران خان کی پُرتاثیر اور مدلل تقریر سے بوکھلاہٹ کی شکار مودی سرکار گیدڑ بھبکیوں پر اتر آئی۔

وزیراعظم پاکستان عمران خان کی تقریر عالمی سطح پر سراہے جانے کے بعد سے بھارتی وزرا حواس باختہ ہوگئے ہیں۔ بھارتی وزیر دفاع راج ناتھ سنگھ نے انڈین نیوی کی دوسری 'اسکارپین کلاس سب میرین ' کی افتتاحی تقریب سے خطاب کے دوران دھمکی آمیز لہجہ اختیار کرتے ہوئے کہا کہ بھارتی افواج جدید ٹیکنالوجی اور سبک رفتار اسلحے سے لیس ہیں جو پاکستان کو جواب دینے کے لیے کافی ہیں۔

Pakistan should understand that today with strong resolve of our government and advancement in naval capacity with additions like INS Khanderi, we are capable of giving much bigger blow to it: RM

— रक्षा मंत्री कार्यालय/ RMO India (@DefenceMinIndia) September 28, 2019

جارحیت پسند بھارت کے وزیر دفاع وزیراعظم عمران خان کی دلیلوں اور حقائق پر مبنی تقریر کا جواب دینے سے قاصر نظر آئے اور پوری تقریب میں جنگ و جدل کی بات کرتے رہے جس سے ثابت ہوتا ہے کہ پاکستانی وزیراعظم کی تقریر مودی سرکار کے وزرا کے حواسوں پر چھائی ہوئی ہے۔

یہ خبر پڑھیں: مسئلہ کشمیر پر عالمی برادری نے مداخلت نہ کی تو دو ایٹمی ممالک آمنے سامنے ہوں گے، عمران خان

واضح رہے کہ پاکستانی وزیراعظم عمران خان نے اقوام متحدہ کی جنرل اسمبلی میں بھارتی مظالم کا پردہ چاک کرتے ہوئے مظلوم کشمیریوں کا مقدمہ عالمی قوتوں کے سامنے رکھا اور اقوام متحدہ کو اپنا کردار ادا کرنے پر زور دیا۔ وزیراعظم کی تقریر کی حمایت میں جنرل اسمبلی کے شرکاء تالیاں اور ڈیسک بجاتے رہے۔