متھیرا نے ’’سپر گرل‘‘ میں آئٹم سانگ کے 4 لاکھ مانگ لیے

متھیرا ایک اچھی آرٹسٹ ہے اور وہ پاکستان فلم ٹریڈ کے بارے میں مثبت سوچ رکھتی ہیں،فلمساز،۔فوٹو: فائل

---

ماڈل واداکارہ متھیرا نے آئٹم سانگ کا چار لاکھ مانگ لیا ۔تفصیلات کے مطابق فلمساز جونی ملک نے فلم ''سپرگرل'' میں آئٹم سانگ کے لیے متھیرا سے رابطہ کیا تو انھوں نے 4 لاکھ معاوضہ طلب کرلیا۔

جس پر انھوں نے متبادل اداکارہ کے نام پر غور شروع کردیا ہے۔جونی ملک نے کہا کہ پاکستان فلم انڈسٹری والوں پر ہمیشہ الزام لگایا جاتا ہے کہ ہم ٹی وی اور فیشن انڈسٹری سے تعلق رکھنے والے فنکاروں کو موقع نہیں دیتے ۔ اگر ہم انھیں اپنی فلم میں لینا چاہیں تو وہ معاوضہ اتنا مانگ لیتے ہیں جو ہمارے بجٹ سے زیادہ ہوتا ہے ۔



اگر یہی فنکار ہمارے ساتھ تعاون کریں تو ہم بھی بہترین اور معیاری فلمیں بناسکتے ہیں ۔انھوں نے کہا کہ متھیرا ایک اچھی آرٹسٹ ہے اور وہ پاکستان فلم ٹریڈ کے بارے میں مثبت سوچ رکھتی ہیں مگر انھیں معاوضہ کے بارے میں ضرور سوچنا چاہیے۔