پیرس فیشن ویک میں ماہرہ خان کے اسٹائل کے چرچے

ماہرہ خان پہلی بار انٹرنیشنل برانڈ لوریال پیرس کی سفیر کی حیثیت سے پیرس فیشن ویک میں پاکستان کی نمائندگی کررہی ہیں

ویب ڈیسک September 29, 2019

پیرس فیشن ویک میں ریمپ پر واک کے دوران ماہرہ بہت زیادہ پُراعتماد نظر آئیں، فوٹوسوشل میڈیا

خوشبوؤں کے شہر پیرس میں جاری پیرس فیشن ویک میں ماہرہ خان نے اپنے اسٹائل اور خوداعتمادی سے دھوم مچادی۔

پاکستان کی خوبصورت اور عالمی شہرت یافتہ اداکارہ ماہرہ خان ان دنوں پیرس میں منعقد ہونے والے ''پیرس فیشن ویک'' میں موجود ہیں، جہاں وہ پہلی بار انٹرنیشنل برانڈ لوریال پیرس کی سفیر کی حیثیت سے پاکستان کی نمائندگی کررہی ہیں۔ ماہرہ خان پاکستان کی پہلی اداکارہ ہیں جو پیرس فیشن ویک میں حصہ لے رہی ہیں۔

[instagram-post url="https://www.instagram.com/p/B2-m8baHIwx/"]

اس خبرکوبھی پڑھیں: ماہرہ خان کے پیرس فیشن ویک میں جلوے

ماہرہ خان کی فیشن ویک کے دوران تصاویر اور ویڈیوز سوشل میڈیا پر چھائی ہوئی ہیں جب کہ ماہرہ خان کے اسٹائل اور خوبصورتی کو بے حد سراہا جارہا ہے۔ ماہرہ خان کی دیگر لوریال گرلز کے ساتھ تصاور بھی بہت زیادہ وائرل ہورہی ہیں جب کہ امریکا کی مقبول ترین گلوکارہ، موسیقار اور اداکارہ کارلا کمیلا کیبیلو کے ساتھ ماہرہ خان کی تصویر نے سوشل میڈیا پر آگ لگادی ہے اور ماہرہ کے مداح شوبز کی دنیا کی دو بڑی ہستیوں کو ایک ساتھ دیکھ کر خوشی کا اظہار کرنے سے خود کو روک نہیں پارہے ہیں۔

[instagram-post url="https://www.instagram.com/p/B2-wYGunRao/"]

ماہرہ خان نے گزشتہ روز لوریال کی سفیر کی حیثیت سے کمیلا کیبلیو اور لوریال پیرس کی دیگر خواتین کے ساتھ ریمپ پر واک کی۔ اس دوران ماہرہ بہت زیادہ پُراعتماد نظر آئیں۔ ماہرہ کو دیکھ کر ایسا لگ ہی نہیں رہا کہ وہ اتنے بڑے بین الاقوامی پلیٹ فارم پر پہلی بار حصہ لے رہی ہیں۔ بلاشبہ ماہرہ خان نے پیرس فیشن ویک میں پاکستان کی نمائندگی کرکے بین الاقوامی طور پر پاکستان کا نام روشن کردیا۔

[instagram-post url="https://www.instagram.com/p/B2-w60XnsJt/"]

ماہرہ خان کی پیرس فیشن ویک کے دوران برطانوی اداکارہ ہیلن میرن کے ساتھ رقص کی ویڈیو بھی بہت زیادہ وائرل ہورہی ہےدونوں نہایت خوشگوار انداز میں رقص کررہی ہیں۔

[instagram-post url="https://www.instagram.com/p/B2-yFphHWYG/"]