ماہِ صفر کا چاند نظر نہیں آیا مرکزی رویت ہلال کمیٹی

ملک میں ماہِ صفرالمظفر کا چاند نظر نہیں آیا اور اب یکم صفر یکم اکتوبر بروز منگل کو ہوگی۔

ماہِ صفر کا چاند دیکھنے کے لیے مرکزی رویت ہلال کمیٹی کا اجلاس چیئرمین مفتی منیب الرحمان کی زیر صدارت کراچی میں محکمہ موسمیات کے دفتر میں ہوا جس میں محکمہ موسمیات اور وزارت مذہبی امور کے حکام شریک ہوئے، رویتی ہلال کمیٹی کو ماہر فلکیات کی بھی خدمات حاصل تھیں جب کہ زونل کمیٹیوں کے اجلاس اسلام آباد، لاہور، پشاور اور کوئٹہ میں ہوئے۔


زونل کمیٹیوں نے ملک بھر سے موصولہ چاند نظر نہ آنے کی شرعی شہادتوں سے مرکزی رویت ہلال کمیٹی کو آگاہ کیا جس کے بعد چیئرمین رویت ہلال کمیٹی مفتی منیب الرحمان نے صفر1441 ہجری کا چاند نظر نہ آنے کا اعلان کردیا۔ اب یکم صفر یکم اکتوبر بروز منگل کو ہوگی۔

صفرالمکرم 1441 ہجری کے چاندکی رویت بارے سرکاری ویب سائٹ کے اعدادوشماراورمرکزی رویت ہلال کمیٹی میں اختلاف سامنے آگیاہے۔ مرکزی رویت ہلال کمیٹی کوملک بھرسے کہیں سے بھی صفرالمکرم کاچاندنظرآنے کی اطلاعات موصول نہیں ہوئیں جس کے بعد کمیٹی نے یکم اکتوبر بروزمنگل کو یکم صفر 1441 ہجری کےآغازکااعلان کردیا جبکہ دوسری طرف وزارت سائنس وٹیکنالوجی کی آفیشل ویب سائٹ مون سائٹنگ پاکستان کے اعدادوشمارکے مطابق یکم صفرکا آغاز 30 ستمبر بروزپیرسے ہوگا۔