امریکی ایتھلیٹ کیمارینا ولیمز پر ڈرگ ٹیسٹ میں ناکامی پر 6 ماہ کی پابندی

آئندہ برس یکم جنوری سے دوبارہ مقابلوں میں شرکت کرنے کی اہل بھی ہوجائیں گی، ۔فوٹو:فائل

---

2011 کی ورلڈ چیمپئن شپ میں شاٹ پٹ برانز میڈل جیتنے والی امریکی ایتھلیٹ جیلیان کیمارینا ولیمز کو ڈرگ ٹیسٹ میں ناکامی پر 6ماہ پابندی کی سزا دے دی گئی۔

اس کا اعلان یوایس اینٹی ڈوپنگ ایجنسی نے جمعے کو کیا، رواں برس جولائی کے آغاز پر آئوٹ آف کمپی ٹیشن ڈوپ ٹیسٹ میں ان کے خون میں کلومی فین نامی ممنوعہ اجزا پائے گئے تھے، سزا کا اطلاق ٹیسٹ کیے جانے کی تاریخ سے ہوگا جس کے پیش نظر وہ آئندہ برس یکم جنوری سے دوبارہ مقابلوں میں شرکت کرنے کی اہل بھی ہوجائیں گی، انھوں نے حکام کو باور کرادیا تھا کہ ممنوعہ ادویہ طاقت بڑھانے کیلیے نہیں استعمال کی تھیں۔