این اے 256 کراچی میں عام انتخاب کے دوران 57 ہزار 642 ووٹ جعلی ڈالے گئے نادرا
ووٹوں کی تصدیق کی درخواست پی ٹی آئی کےزبیرخان نے دائرکی جبکہ عام انتخابات میں ایم کیوایم کےاقبال محمدخان کامیاب ہوئے
5 ہزار 893 ووٹرز ایسے تھے جنہوں نے 2 بار ووٹ ڈالے، 40 شناختی کارڈ سے 11 ہزار 346 ووٹ ڈالے گئے، نادرا فوٹو: فائل
نادرا نے کراچی کے حلقہ این اے 256 میں ووٹوں کی تصدیق کے بعد رپورٹ الیکشن ٹربیونل میں جمع کرادی جس کے مطابق عام انتخابات میں حلقے میں 57 ہزار 642 جعلی ووٹ ڈالے گئے۔
رپورٹ کے مطابق حلقے کے 67 پولنگ اسٹیشنوں میں کل 84 ہزار 448 ووٹ ڈالے گئے جن میں صرف 6 ہزار 805 ووٹوں کی تصدیق ہوئی جبکہ 57 ہزار 642 جعلی ووٹ ڈالے گئے، 5 ہزار 893 ووٹرز ایسے تھے جنہوں نے 2 بار ووٹ ڈالے، 40 شناختی کارڈ سے 11 ہزار 346 ووٹ ڈالے گئے جبکہ 741 ووٹوں کا حلقے سے تعلق ہی نہیں تھا۔
رپورٹ میں بڑے پیمانے پر جعلی ووٹوں کی نشاندہی کے بعد عام انتخابات کے دوران اس حلقے میں تعینات ریٹرننگ اور پریزائیڈنگ افسران کو عدالت میں طلب کرکے ان سے وضاحت طلب کی جائے گی جبکہ دونوں جانب کے فریقین کو بھی رپورٹ کی کاپیاں بھجوائی جائیں گی، فریقین کے وکیل الیکشن ٹربیونل میں اپنے دلائل دیں گے جس کے بعد اس حلقے میں دوبارہ الیکشن کرانے یا نہ کرانے سے متعلق کوئی فیصلہ کیا جائے گا۔
دوسری جانب الیکشن کمیشن کے ترجمان کا کہنا ہے کہ نادرا رپورٹ پر کارروائی الیکشن ٹریبونل کا اختیار ہے، انتخابی عزرداریاں نماٹنے کے لئے وہ مکمل طور پر بااختیار ہیں کوئی بھی ان کی جانب سے دیئے گئے فیصلوں میں رکاوٹ نہیں بن سکتا اس لئے این اے 256 کے انتخابی عمل سے متعلق الیشکن ٹریبونل کے فیصلے پر من و عن عمل درآمد ہوگا
واضح رہے کہ الیکشن ٹربیونل سے ووٹوں کی دوبارہ تصدیق کی درخواست تحریک انصاف کے امیدوار زبیر خان کی جانب سے کی گئی تھی جبکہ عام انتخابات میں اس حلقے سے ایم کیو ایم کے اقبال محمد خان کامیاب ہوئے تھے۔
رپورٹ کے مطابق حلقے کے 67 پولنگ اسٹیشنوں میں کل 84 ہزار 448 ووٹ ڈالے گئے جن میں صرف 6 ہزار 805 ووٹوں کی تصدیق ہوئی جبکہ 57 ہزار 642 جعلی ووٹ ڈالے گئے، 5 ہزار 893 ووٹرز ایسے تھے جنہوں نے 2 بار ووٹ ڈالے، 40 شناختی کارڈ سے 11 ہزار 346 ووٹ ڈالے گئے جبکہ 741 ووٹوں کا حلقے سے تعلق ہی نہیں تھا۔
رپورٹ میں بڑے پیمانے پر جعلی ووٹوں کی نشاندہی کے بعد عام انتخابات کے دوران اس حلقے میں تعینات ریٹرننگ اور پریزائیڈنگ افسران کو عدالت میں طلب کرکے ان سے وضاحت طلب کی جائے گی جبکہ دونوں جانب کے فریقین کو بھی رپورٹ کی کاپیاں بھجوائی جائیں گی، فریقین کے وکیل الیکشن ٹربیونل میں اپنے دلائل دیں گے جس کے بعد اس حلقے میں دوبارہ الیکشن کرانے یا نہ کرانے سے متعلق کوئی فیصلہ کیا جائے گا۔
دوسری جانب الیکشن کمیشن کے ترجمان کا کہنا ہے کہ نادرا رپورٹ پر کارروائی الیکشن ٹریبونل کا اختیار ہے، انتخابی عزرداریاں نماٹنے کے لئے وہ مکمل طور پر بااختیار ہیں کوئی بھی ان کی جانب سے دیئے گئے فیصلوں میں رکاوٹ نہیں بن سکتا اس لئے این اے 256 کے انتخابی عمل سے متعلق الیشکن ٹریبونل کے فیصلے پر من و عن عمل درآمد ہوگا
واضح رہے کہ الیکشن ٹربیونل سے ووٹوں کی دوبارہ تصدیق کی درخواست تحریک انصاف کے امیدوار زبیر خان کی جانب سے کی گئی تھی جبکہ عام انتخابات میں اس حلقے سے ایم کیو ایم کے اقبال محمد خان کامیاب ہوئے تھے۔