چیمبر آف کامرس اینڈ انڈسٹری کے سینئر نائب صدر وچیمبر کی سب کمیٹی ان لینڈ ریونیو کے چیئرمین تراب علی خوجہ نے چیئرمین فیڈرل بورڈ آف ریونیو سے مطالبہ کیا ہے کہ پیچیدہ انکم ٹیکس ریٹرن کے ساتھ بیلنس شیٹ اور ویلتھ اسٹیٹمنٹ منسلک کرنے کی شرائط فو ری طو رپر ختم کی جائیں۔

ایک بیان میں ان کا کہنا تھا کہ ڈبل ٹیکسیشن نظام سے تاجرشدید ذہنی اذیت میں مبتلا ہیں، ٹیکس نظام پیچیدہ ہونے کی وجہ سے تاجر برادری کا کاروبار متاثر ہوتا ہے اور انہیں لاکھو ں روپے کنسلٹنٹ کو فیس کی مد میں ادا کرنے پڑتے ہیں جس کے اثرات براہ راست قیمتوں پر مرتب ہوتے ہیں اور اس کا بوجھ عوام کو برداشت کرنا پڑ رہا ہے۔