کراچی رینجرز کا ٹارگٹڈ آپریشن 50 سے زائد ملزمان گرفتار اسلحہ برآمد

گرفتار ملزمان ٹارگٹ کلنگ، بھتہ خوری اور جرائم کی سنگین وارداتوں میں ملوث ہیں، رینجرز

ویب ڈیسک October 08, 2013

گرفتار ملزمان ٹارگٹ کلنگ، بھتہ خوری اور جرائم کی سنگین وارداتوں میں ملوث ہیں، رینجرز. فوٹو: ایکسپریس

لاہور: پولیس اور رینجرز نے شہر کے مختلف علاقوں میں ٹارگٹڈ کارروائی کرتے ہوئے 50 سے زائد ملزمان کو گرفتار کر کے بڑی تعداد میں اسلحہ برآمد کرلیا۔

شہر میں قیام امن کےلیے پولیس ورینجرز کی ٹارگٹڈ کارروائیاں جاری ہیں، رینجرزنے لیاری سمیت شہر کے مختلف علاقوں میں ٹارگٹڈ آپریشن کر کے 50 سے زائد جرائم پیشہ افراد کو گرفتار کرلیا، رینجرز کے مطابق گرفتار ملزمان ٹارگٹ کلنگ، بھتہ خوری اور جرائم کی سنگین وارداتوں میں ملوث ہیں، جبکہ ملزمان کے قبضے سے بڑی تعداد میں اسلحہ بھی برآمد ہوا ہے۔

دوسری جانب کراچی کے علاقے سرجانی ٹاؤن میں پولیس نے کارروائی کرتے ہوئے 3 ملزمان کو گرفتار کرلیا، ملزمان کے قبضے سے ایک ریپیٹر اور 2 ٹی ٹی پستول برآمد ہوئی، پولیس کے مطابق تینوں ملزمان اسٹریٹ کرائم کی متعدد وارداتوں میں مطلوب تھے، جبکہ لائنزایریا میں پولیس اور ملزمان کے درمیان فائرنگ کے نتیجے میں 2 ملزمان زخمی ہوگئے، پولیس نے ملزمان کے قبضے سے اسلحہ برآمد کرنے کا بھی دعوی کیا ہے۔