عامر لیاقت مہوش حیات کے ڈانس پر بول پڑے

مہوش حیات سے تمغہ امتیاز واپس لینا چاہیے یا نہیں، یہ ان کو تمغہ دینے والوں کی مرضی ہے، عامر لیاقت

ویب ڈیسک October 11, 2019

مہوش حیات سے تمغہ امتیاز واپس لینا چاہیے یا نہیں، یہ ان کو تمغہ دینے والوں کی مرضی ہے، عامر لیاقت

تحریک انصاف کے رکن قومی اسمبلی عامر لیاقت نے مہوش حیات کو ایوارڈ تقریب میں ڈانس پر شدید تنقید کا نشانہ بنایا ہے۔

نامور پاکستانی اداکارہ مہوش حیات کی اداکار احسن خان کے ہمراہ ایوارڈ تقریب میں ڈانس کی ویڈیو سوشل میڈیا پر وائرل ہوئی تھی جس پر صارفین نے دونوں کو شدید تنقید کا نشانہ بنایا تھا اور خاص طور پر مہوش حیات کے بے ہودہ ڈانس کے بعد ایک بار پھر انہیں تمغہ امتیاز دینے کے حوالے سے تنقید شروع ہوگئی۔

Setting the stage alight with the fabulous @Ahsankhanuk at the 7th Hum awards rehearsals. Together after 5 years! If you think this is hot... just wait till you see the final performance. 🔥🔥🔥 pic.twitter.com/UhaRj0z6Aa
— Mehwish Hayat TI (@MehwishHayat) October 7, 2019

اس حوالے سے خود اداکارہ مہوش حیات نے ایک ٹوئٹ میں اپنی ڈانس کی ویڈیو بھی شیئر کی جس میں انہوں نے کہا کہ 'ہم ایوارڈز' کی ساتویں تقریب میں احسن خان کے ساتھ 5 سال کے بعد کام کرنے کا موقع ملا۔

اس خبر کو بھی پڑھیں؛ 'اللہ احسن خان اور مہوش حیات کو ہدایت دے'

سوشل میڈیا پر متحرک رہنے والے پی ٹی آئی ایم این اے عامر لیاقت حسین بھی پیچھے نہیں رہے اور مہوش حیات، احسن خان پر تنقید کی ٹوئٹ پر جواب دیتے ہوئے انہوں نے کہا کہ مہوش حیات سے تمغہ امتیاز واپس لینا چاہیے یا نہیں، یہ ان کو تمغہ دینے والوں کی مرضی ہے اور جہاں تک بات ہے احسن خان کی تو وہ معصوم انسان ہیں۔

یہ تمغہ امتیاز واپس لیا جائے یا نہ لیا جائے دینے والوں کی مرضی
مگر
اِنہیں امتیاز اسٹور سے نیا تمغہ اتیاز ضرور دے دیا جائے رہ گئے احسن خان تو وہ “بے چارے” ہیں! https://t.co/YgE9aY3fHs
— Aamir Liaquat Husain (@AamirLiaquat) October 9, 2019