چیپل بھارتی بورڈ کی آمرانہ پالیسز کے سامنے ڈٹ گئےکمنٹری سے انکار

سیریز کے براڈکاسٹنگ ادارے کی جانب سے مجھے ای میل میں کمنٹری ٹیم کا حصہ بننے کی پیشکش کی گئی

Sports Desk October 09, 2013

میں بھارتی ٹیم سلیکشن، ڈی آر ایس پر ان کے موقف اور انتظامی معاملات پر کوئی بات نہیں کروں گا،فوٹو: فائل

سابق آسٹریلوی کپتان ای ین چیپل بھارتی بورڈ کی آمرانہ پالیسوں کے سامنے ڈٹ گئے، وہ بھارت وآسٹریلیا کی سیریز میں کمنٹری نہیں کریں گے۔

بی سی سی آئی نے ہوم سیریز کے دوران کمنٹیٹرز کیلیے بھی سخت پالیسی وضع کررکھی ہے، چیپل نے کہاکہ سیریز کے براڈکاسٹنگ ادارے کی جانب سے مجھے ای میل میں کمنٹری ٹیم کا حصہ بننے کی پیشکش کی گئی، جس پر میں نے جواب میں پوچھا کہ کس کے تحت کام کروں گا، اس پر بتایا گیاکہ آپ نشریاتی ادارے کے ساتھ کام کریں گے مگر بی سی سی آئی پالیسی پر عمل کرنا ہوگا، میرے استفسار پر وضاحت کی گئی کہ میں بھارتی ٹیم سلیکشن، ڈی آر ایس پر ان کے موقف اور انتظامی معاملات پر کوئی بات نہیں کروں گا، مجھے محسوس ہوا کہ ان پابندیوں کی صورت میں میں اپنی ڈیوٹی بہتر انداز میں انجام نہیں دے پائوں گا اس لیے انکار کردیا۔