طالبان گروپوں سے ہر چینل کے ذریعے بات کی جائیگی وزیراعظم
مولانافضل الرحمن نے طالبان سے مذاکرات کے آغاز میں غیرضروری تساہل پر اپنے تفکرات سے وزیراعظم کو آگاہ کیا
مولانافضل الرحمن نے طالبان سے مذاکرات کے آغاز میں غیرضروری تساہل پر اپنے تفکرات سے وزیراعظم کو آگاہ کیا فوٹو: فائل
جمعیت علمائے اسلام(ف) کے سربراہ مولانا فضل الرحمٰن نے آل پارٹیز کانفرنس کے متفقہ فیصلے کے مطابق طالبان سے مذاکرات کا عمل تیز تر کرنے کا مشورہ دیتے ہوئے وزیراعظم سے کہا ہے کہ حکومت مکمل اتفاق رائے سے کیے گئے اس فیصلے پر عملدرآمد میں سستی کا مظاہرہ نہ کرے۔
منگل کی شام مولانا فضل الرحمن نے وزیراعظم نوازشریف سے وزیراعظم ہاؤس میں تفصیلی ملاقات کی۔ جے یوآئی کے انتہائی ذمے دار ذرائع کے مطابق مولانافضل الرحمن نے اے پی سی کے فیصلوں کے تناظر میں طالبان سے مذاکرات کے آغاز میں غیرضروری تساہل پر اپنے تفکرات سے وزیراعظم کو آگاہ کیا کہ ملک وقوم پہلے ہی بہت زیادہ جانی ومالی نقصان اٹھاچکی ہے۔
منگل کی شام مولانا فضل الرحمن نے وزیراعظم نوازشریف سے وزیراعظم ہاؤس میں تفصیلی ملاقات کی۔ جے یوآئی کے انتہائی ذمے دار ذرائع کے مطابق مولانافضل الرحمن نے اے پی سی کے فیصلوں کے تناظر میں طالبان سے مذاکرات کے آغاز میں غیرضروری تساہل پر اپنے تفکرات سے وزیراعظم کو آگاہ کیا کہ ملک وقوم پہلے ہی بہت زیادہ جانی ومالی نقصان اٹھاچکی ہے۔