پاکستان نے ایران سے گیس پائپ لائن کیلیے 2 ارب ڈالر مانگ لیے

7.5 ارب ڈالر کے آئی پی پروجیکٹ کی ایرانی سائیڈ کی پائپ لائن تقریباً مکمل ہو چکی ہے۔ فوٹو: اے ایف پی

---

پاکستان نے ایران سے گیس پائپ لائن بچھانے کے لیے 2 ارب ڈالر کی معاونت کی درخواست کردی ہے۔

یاد رہے کہ 7.5 ارب ڈالر کے آئی پی پروجیکٹ کی ایرانی سائیڈ کی پائپ لائن تقریباً مکمل ہو چکی ہے لیکن پاکستان کو اپنی سرحد کے اندر 780 کلومیٹر پائپ لائن بچھانے میں مسلسل مالیاتی مسائل کا سامنا ہے۔ وفاقی وزیر پٹرولیم وقدرتی وسائل شاہد خاقان عباسی نے منگل کو فرانسیسی خبرایجنسی اے ایف پی سے بات چیت کرتے ہوئے کہاکہ ابتدائی کام مکمل ہو چکا ہے مگر انھوں نے ایران سے تعمیراتی کام کے لیے 2 ارب ڈالر کی فراہمی کی درخواست کی ہے۔