عاطف اسلم کی آواز میں اتنی خوبصورت حمد سن کر رونگٹے کھڑے ہوگئے ماہرہ خان

حمد سن کر ان کی آنکھیں بھیگ گئیں۔ ماورہ حسین فوٹوفائل

---

TAIZ, YEMEN: نامور پاکستانی اداکارہ ماہرہ خان اور ماورا حسین نے عاطف اسلم کی آواز میں پڑھی جانے والی حمد ''وہی خدا ہے'' کو سراہتے ہوئے کہا ہے کہ یہ حمد سن کر ان کے رونگٹے کھڑے ہوگئے۔

عالمی شہرت یافتہ پاکستانی گلوکار عاطف اسلم نے کوک اسٹوڈیو سیزن 12 کاآغاز خوبصورت حمد ''وہی خدا ہے'' پڑھ کر کیا اور لوگوں سے خوب داد سمیٹی۔ تاہم عاطف اسلم کو سراہنے والوں میں صرف عام لوگ شامل نہیں ہیں بلکہ پاکستان شوبز انڈسٹری کے فنکاروں نے بھی عاطف اسلم کو حمد پڑھنے پر بے حد سراہا ہے۔

اس خبرکوبھی پڑھیں: عاطف اسلم کی خوبصورت آواز میں ''حمد'' سوشل میڈیا پر مقبول

اداکارہ ماہرہ خان نے عاطف اسلم کی تعریف کرتے ہوئے نہایت جذباتی انداز میں لکھا عاطف اسلم اور روہیل حیات کی کاوش نے ان کے رونگٹے کھڑے کردئیے اور عاطف اسلم کی آواز میں حمد سن کر ان کے آنسو نکل آئے۔

Atif Aslam and Rohail Hayat in the house !! Ufff.. goosebumps and tears.. @cokestudio @itsaadee https://t.co/0os16E2d4b

— Mahira Khan (@TheMahiraKhan) October 11, 2019

ماہرہ خان کے علاوہ ماورا حسین نے بھی عاطف اسلم کو سراہتے ہوئے لکھا ماشا اللہ عاطف اسلم کو خدا نے بے پناہ خوبصورت آواز سے نوازا ہے۔ ''وہی خدا ہے'' بچپن سے میری پسندیدہ حمد ہے جسے عاطف اسلم نے امیدوں سے بڑھ کر خوبصورت انداز میں پڑھا ہے۔

Ufff! MashAllah! Incredibly gifted artist @itsaadee
This has been my fav hamd all my childhood & Atif and team coke studio has more than just lived up to the expectations. Brilliant!
I’m teary & grateful❤️❤️❤️❤️💫
Koi to hai jo.. nizam e hasti chala raha hai.. Wohi KHUDA hai.. 👆🏻 https://t.co/YYNl3K9vMx

— MAWRA HUSSAIN (@MawraHocane) October 11, 2019

ماورا حسین نے بھی حمد سن کر اپنی خوشی کا اظہار کرتے ہوئے کہا کہ حمد سن کر ان کی آنکھیں بھیگ گئیں۔