کراچی رینجرز کا ٹارگٹڈ آپریشن 12 مشتبہ افراد گرفتار اسلحہ برآمد

گرفتار ملزمان ٹارگٹ کلنگ، بھتہ خوری اور جرائم کی سنگین وارداتوں میں ملوث ہیں، رینجرز

ویب ڈیسک October 09, 2013

گرفتار ملزمان ٹارگٹ کلنگ، بھتہ خوری اور جرائم کی سنگین وارداتوں میں ملوث ہیں، رینجرز، فوٹو : فائل

پولیس اور رینجرز نے شہر کے مختلف علاقوں میں ٹارگٹڈ کارروائی کرتے ہوئے 12 مشتبہ افراد کو گرفتار کر کے اسلحہ برآمد کرلیا، جبکہ شہر میں فائرنگ کے واقعات میں ایک شخص جاں بحق اور 2 زخمی ہوگئے۔

شہر میں قیام امن کےلیے پولیس ورینجرز کی ٹارگٹڈ کارروائیاں جاری ہیں، پولیس اور رینجرز نے سہراب گوٹھ کے علاقے جنجال گوٹھ میں ٹارگٹڈ آپریشن کر کے 12 مشتبہ افراد کو گرفتار کر کے اسلحہ برآمد کرلیا، رینجرز کے مطابق گرفتار ملزمان ٹارگٹ کلنگ، بھتہ خوری اور جرائم کی سنگین وارداتوں میں ملوث ہیں۔

کراچی کے علاقے کیماڑی ٹاؤن میں پولیس نے بھتہ خوری اوراغوا برائے تاوان میں ملوث گینگ وار کے کارکن آصف عرف چھوٹو کوگرفتار کر کے اسلحہ برآمد کرلیا، منگھوپیرپولیس نے مقابلے کے بعد 2 ڈاکوؤں کو گرفتارکرنے کا دعوی کیا ہے، پولیس کے مطابق ملزم متعدد وارداتوں میں مطلوب تھے، جبکہ ملزمان کے قبضے سے 12 موٹرسائیکلیں اورگاڑی برآمد کرلی گئی ہے، دوسری جانب لانڈھی میں اسپتال چورنگی کے قریب نامعلوم افراد کی فائرنگ سے ایک شخص جاں بحق ہوگیا، جبکہ کھارادر میں فائرنگ سے 2 افراد زخمی ہوگئے۔