سوناکشی سنہا نے اپنے والد شتروگھن اور رینا رائے کے معاشقے کا بھانڈا پھوڑ دیا

میری شکل رینا رائے سے نہیں بلکہ صرف میری ماں پونم سنہا سے ملتی ہے، سوناکشی سنہا فوٹو؛ فائل

---

بالی ووڈ کی دبنگ دیسی اداکارہ سوناکشی سنہا نے اپنے ہی والد شتروگھن سنہا کا اداکارہ رینا رائے کے ساتھ معاشقے کا بھانڈا پھوڑ دیا۔

بھارتی اخبار کو انٹرویو دیتے ہوئے سوناکشی سنہا کا کہنا تھا کہ ان کے خیال شتروگھن سنہا اور رینا رائے کے درمیان قریبی تعلقات ان کی پیدائش سے بھی قبل تھا۔ انہوں نے کہاکہ میں جیسے جیسے بڑی ہوتی گئی تو میرے سامنے تمام چیزیں واضح ہونا شروع ہوگئی تھیں۔ اگر میرے والد کا کسی کے ساتھ افیئر تھا تو وہ ان کا ماضی تھا اور ہر شخص کا اپنا ماضی ہوتا ہے اور اس کے لئے میں اپنے والد سے کوئی سوال کرنا نہیں چاہتی۔

رینا رائے سے مشابہہ شکل کے سوال پر شوناکشی سنہا کا کہنا تھا کہ وہ نہیں سمجھتی کہ ان کی شکل رینا رائے سے ملتی ہے بلکہ اگر دنیا میں ان کی شکل کسی سے ملتی ہے تو صرف ان کی ماں پونم سنہا سے ملتی ہے۔