پرویز مشرف کی نہ کسی سے ڈیل ہوئی ہے اور نہ ہی وہ بیرون ملک جائیں گے ترجمان

پرویز مشرف کے ترجمان ڈاکٹر امجد کا کہنا ہے کہ سابق صدر پرویز مشرف کی نہ ڈیل ہوئی ہے اور نہ ہی وہ بیرون ملک جائیں گے۔


اسلام آباد میں پریس کانفرنس کرتے ہوئے پرویزمشرف کے ترجمان ڈاکٹرامجد کا کہنا تھا کہ اکبر بگٹی کیس میں پرویز مشرف کی ضمانت سے متعلق فیصلے کی نقل تاحال نہیں نہیں ملی۔ انہوں نے کہا کہ جس طرح دیگر کیسز میں ان کی ضمانت ہوئی ہے اسی طرح وہ دیگر مقدمات میں بھی بری ہوجائیں گے، ترجمان کا کہنا تھا کہ پرویز مشرف سے ڈیل کے لیے رجوع کیا گیا مگر انہوں نے انکار کر دیا اور نہ ہی وہ بیرون ملک جائیں گے۔

ڈاکٹر امجد کا کہنا تھا کہ لال مسجد کیس میں مبالغہ آرائی کی گئی اس کیس میں مختلف معاملات کو گڈ مڈ کیا گیا ان کے نزدیک لال مسجد کیس غلط بنایا گیااور اس میں پرویز مشرف کو نامزد کرنا نامناسب ہے۔