دوڑ بس کی کار کو ٹکر دادا جاں بحق 2 پوتے زخمی

نوابشاہ کے قریب تیز رفتار کوچ اوور ٹیک کرتے ہوئے کار سے ٹکرا گئی، کار سوار70 سالہ دادا جاں بحق جبکہ اس کے 2 پوتے زخمی ہو گئے۔

تفصیلات کے مطابق سکھر سے کراچی جانے والی مسافر کوچ دوڑ روڈ پر اوور ٹیک کرتے ہوئے کار سے جا ٹکرائی، جس کے نتیجے میں کار میں سوار 70 سالہ شہداد مری اور اس کے 2 پوتے رضوان مری اور عمر زخمی ہو گئے، جنہیں پی ایم سی اسپتال نوابشاہ منتقل کیا گیا۔ جہاں زخموں کی تاب نہ لاتے ہوئے شہداد مری دم توڑ گیا۔




رضوان مری کو حالت تشویشناک ہونے کے باعث آئی سی یو منتقل کر دیا گیا۔ متوفی مری برادری کی معزز شخصیت تھے۔ زخمیوں کے مطابق حادثہ کوچ ڈرائیور کے غلطی کے باعث پیش آیا۔ دوسری جانب حادثے کے بعد بس ڈرائیور موقع سے فرار ہو گیا۔ پولیس نے بس کو تحویل میں لے لیا۔