سانگھڑ میں ایکسپریس ٹی ٹوئنٹی کرکٹ ٹورنامنٹ کا انعقاد

روزنامہ ایکسپریس کے زیر اہتمام ایکسپریس ٹی ٹوئنٹی ڈسٹرکٹ کرکٹ ٹورنامنٹ میں ضلع سانگھڑ کی 24 ٹیمیں حصہ لے رہی ہیں۔

بدھ کو پیر صبغت اللہ شاہ سورھیہ بادشاہ پی سی بی اسٹیڈیم میں شاہ پور چاکر بھٹائی اور سٹی کائونٹی ٹیم ٹنڈو آدم کے مابین میچ کھیلا گیا جس میں سٹی کائونٹی ٹیم نے پہلے بیٹنگ کرتے ہوئے 19.4 اوورز میں 136رنز بنائے ، جواب میں بھٹائی کرکٹ ٹیم نے مطلوبہ ہدف18.4 اوورز میں پورا کرکے میچ جیت لیا، ٹنڈو آدم کی طرف سے سکندر 27رنز بنا کر ٹاپ اسکورر رہے۔




شاہ پور چاکر کے رفیق ڈاہری نے31 دے کر 4کھلاڑیوں کو آئوٹ کیا۔ میچ کے مہمان خصوصی ڈسٹرکٹ بار ایسوسی ایشن سانگھڑ کے جنرل سیکریٹری ظفر حیات ایڈووکیٹ تھے جبکہ رضا محمد خاصخیلی ایڈووکیٹ، ڈسٹرکٹ اسپورٹس سانگھڑ کے عبدالجلیل لانڈر، صغیر احمد راجپوت نامہ نگار ایکسپریس ، نائب صدر پریس کلب سانگھڑ کے علاوہ شہریوں کی بڑی تعداد نے میچ دیکھا۔ ٹورنامنٹ کے آرگنائز عبدالرحمان خاصخیلی ہیں۔