گجرات کی ایک عمارت میں آتشزدگی سے بچی ہلاک درجنوں دکانیں اور فلیٹس جل گئے

آگ سے 30 دکانیں، 60 فلیٹس اور 20 سے زائد گاڑیاں جل گئیں

ویب ڈیسک October 16, 2019

آگ سے 30 دکانیں، 60 فلیٹس اور 20 سے زائد گاڑیاں جل گئیں فوٹو:ٹوئٹر

گجرات میں شاپنگ سینٹر میں آتش زدگی سے ایک بچی جاں بحق جبکہ درجنوں دکانیں اور فلیٹس جل گئے۔

بھمبر روڈ پر علینا شاپنگ مال میں خوفناک آگ لگ گئی جس نے دیکھتے ہی دیکھتے دکانوں اور ان کے اوپر بنے فلیٹس کو اپنی لپیٹ میں لے لیا۔ ایک فلیٹ میں محصور 15 سالہ بچی جاں بحق ہوگئی۔ صدمے کے باعث بچی کی والدہ کو غشی کے دورے پڑنے لگے اور وہ بے ہوش ہوگئی۔

آتش زدگی سے 30 دکانیں، 60 فلیٹس اور 20 سے زائد گاڑیاں جل گئیں جس کے نتیجے میں کروڑوں کا نقصان ہوا۔ ریسکیو کی 14 ٹیمیں آگ بجھانے میں مصروف ہیں۔

آگ نے 8 منزلوں کو اپنی لپیٹ میں لے لیا ہے اور 5 گھنٹے بعد بھی اس پر قابو نہیں پایا جا سکا۔ اب تک عمارت میں پھنسی 100 خواتین اور بچوں کو نکال لیا گیا ہے جبکہ مزید محصور افراد کو نکالنے کیلئے کام جاری ہے۔

گجرات، گوجرانوالہ، سیالکوٹ سے ریسیکو کی گاڑیاں اور 100 سے زائد اہلکار کو طلب کیا گیا ہے جو امدادی کارروائی میں مصروف ہیں۔ تاحال آگ لگنے کی وجہ معلوم نہیں ہوسکی۔

https://twitter.com/i/status/1184384710660837378