سپریم كورٹ لاہور رجسٹری میں قمر زمان چوہدری كی بطور چیرمین نیب تقرری چیلنج

LONDON:
سپریم كورٹ کی لاہور رجسٹری میں نیب کے چیرمین قمر زمان چوہدری كی تقرری کو چیلنج کردیا گیا ہے۔


وطن پارٹی کے سربراہ بیرسٹر ظفراللہ کی جانب سے اس حوالے سے دائر کی گئی درخواست میں مؤقف اختیار كیا گیا ہے كہ آئین كے تحت کسی ریٹائرڈ افسر کا ہی اس عہدے پر تقرر کیا جاسکتا ہے لیکن قمر زمان چوہدری ریٹائرڈ كی تعریف پر پورا نہیں اترتے کیونکہ انہوں نے خود اپنے عہدے سے استعفیٰ دیا تھا۔ درخواست میں عدالت سے استدعا كی گئی ہے كہ قمر زمان چوہدری كی بطور چیرمین نیب تقرری كو كالعدم قرار دیا جائے۔

واضح رہے کہ حکومت اور اپوزیشن میں اتفاق رائے کے بعد قمر زمان چوہدری کو چیرمین نیب بنایا گیا تھا اور وہ آج سے اس عہدے کا چارج بھی سنبھال چکے ہیں۔