ٹنڈو الہیار لوٹ مار میں مزاحمت پر فائرنگ2افراد ہلاک و زخمی

فائرنگ کے بعد علاقہ میں خوف و ہراس پھیل گیا، مشتعل افراد کا سڑک پر ٹائر جلا کر احتجاج۔ فوٹو: فائل

---

نصر پور میں دن دہاڑے ڈکیتی کی کوشش ناکام، مزاحمت پر فائرنگ سے 2 افراد ہلاک و زخمی۔

تفصیلات کے مطابق ٹنڈو الہ یار کے یونین کونسل نصر پور میں 6 نامعلوم مسلح موٹر سائیکل سواروں نے کریانہ کی دکان پر لوٹ مار کی کوشش کی اور مزاحمت پر فائرنگ کردی جس کے نتیجے میں دکان کا مالک ٹیکم داس اور دلیپ کمار شدید زخمی ہوگئے جبکہ ملزمان فائرنگ کرتے ہوئے با آسانی فرار ہوگئے، زخمیوں کو فوری طور پر سول اسپتال ٹنڈو الہ یار لایا گیا جہاں ٹیکم داس ہلاک ہوگیا۔



جبکہ دلیپ کمار کو تشویشناک حالت میں سول اسپتال حیدرآباد روانہ کردیا گیا، فائرنگ کے بعد علاقہ میں خوف و ہراس پھیل گیا، مشتعل افراد نے شہر میں ٹائر نذر آتش کرکے سڑکیں بلاک کردیں اور کاروبار بند کرادیا جبکہ تاجروں نے پولیس کے خلاف مظاہرہ کیا اور نعرے لگائے۔