عبدالرشید غازی قتل کیس پرویز مشرف کی درخواست ضمانت سماعت کیلئے منظور

پرویز مشرف کی درخواست ضمانت پر سماعت 18 اکتوبرکو ہوگی۔

ویب ڈیسک October 12, 2013

عدالت نے عبدالرشید غازی قتل کیس میں گزشتہ روزز ہی سابق صدر کا 14 دن کا جوڈیشل ریمانڈ دیا تھا۔ فوٹو: فائل

لاہور: عبدالرشید غازی قتل کیس میں سابق صدر پرویز مشرف کی جانب سے دائر کی جانے ولی درخواست ضمانت سماعت کے لئے منظور کرلی گئی۔

پرویزمشرف کی جانب سے درخواست ضمانت ان کے وکیل الیاس صدیقی نے اسلام آباد کی سیشن کورٹ میں دائر کی، جس میں مؤقف اختیار کیا گیا ہے کہ سابق صدر کی اس کیس میں گرفتاری بلاجواز ہے لہذا انہیں ضمانت پر رہا کیا جائے۔ عدالت نے پرویز مشرف کی ضمانت کی درخواست منظور کرلی جس کی سماعت 18 اکتوبرکو ہوگی۔

واضح رہے کہ 10 اکتوبر کو سپریم کورٹ کی جانب سے اکبر بگٹی قتل کیس میں سابق صدر پرویز مشرف کی ضمانت پر رہائی کے احکامات کے بعد پولیس نے انہیں عبدالرشید غازی قتل کیس میں گرفتار کرلیا گیا تھا جب کہ گزشتہ روز مقامی عدالت نے عبدالرشید غازی قتل کیس میں ہی سابق صدر کا 14 دن کا جوڈیشل ریمانڈ دیا تھا۔