کھوسکی تیز رفتار ٹریلر موٹر سائیکل پر چڑھ دوڑا2زمیندار جاں بحق

شہر سوگ میں بند کر دیا گیا، شہریوں نے ڈرائیور کی گرفتاری کا مطالبہ کیا۔

---

تیز رفتار ٹریلر نے موٹرسائیکل سواروں کو کچل دیا، کھوسکی کے 2 زمیندار جاں بحق۔

ڈرائیور ٹریلر سمیت فرار، پولیس نے ناکا بندی کردی، ٹریلر ہاتھ نہ آسکا، کھوسکی شہر سوگ میں بند۔ تفصیلات کے مطابق گزشتہ روز خلیفو قاسم روڈ سے کھوسکی شہر آنیوالے علاقے کے معروف زمیندارمرید خان کھوسہ اور کاشتکار عبدالشکور آرائیں کی موٹرسائیکل پر تھرپارکر روڈ سے آنیوالا تیز رفتار ٹریلر چڑھ دوڑا جسکے نتیجے میں مرید خان کھوسو اور عبدالشکور آرائیں موقع پر ہی جاں بحق ہوگئے۔



نامعلوم ڈرائیور ٹریلر سمیت فرار ہونے میں کامیاب ہوگیا، کھوسکی پولیس نے ناکا بندی بھی کی لیکن ٹریلر کا کوئی پتہ نہ چل سکا۔ زمیندار کی ہلاکت کی خبر کھوسکی میں جیسے ہی پہنچی شہر سوگ میں بند کر دیا گیا، شہریوں نے ڈرائیور کی گرفتاری کا مطالبہ کیا۔