خوشحالی و انقلاب نہ لا سکا تو سیاست چھوڑ دونگا شہباز شریف

اس خطے کی تاریخ بدل دیں گے اور اسے پاکستان کا نمبرون خطہ بنائیں گے، فوٹو: فائل

---

وزیراعلیٰ پنجاب شہباز شریف نے کہا ہے کہ 5 برس میں ملک میں خوشحالی نہ لا سکا تو سیاست چھوڑ کر گھر چلا جاؤنگا۔

بہاولپور کے عوام نے جو محبت دی ہے وہ ہم پر قرض ہے، اس خطے کی تاریخ بدل دیں گے اور اسے پاکستان کا نمبرون خطہ بنائیں گے، قائداعظم سولر انرجی پروجیکٹ پر 200 ارب سے زائد لاگت آئے گی جس سے ایک ہزار سے زائد میگا واٹ شمسی توانائی دستیاب ہو گی، 31 مارچ سے قبل 100 میگا واٹ بجلی ملنا شروع ہوجائے گی جس سے بہاولپور اور جنوبی پنجاب کے علاقے روشن ہونگے۔



ان خیالات کا اظہار انھوں نے بہاولپور اور لودھراں میں اجتماعات سے خطاب کرتے ہوئے کیا۔ انھوں نے بہاولپور کے چک 8 بی سی کے قریب موضع نوسر میں ملک کی تاریخ کے سب سے بڑے سولر پاور پروجیکٹ قائداعظم سولر پاور پراجیکٹ کا افتتاح کیا۔