لاہور شاہدرہ میں 2 منزلہ عمارت منہدم ہو گئی 2 افراد جاں بحق 2 زخمی

شاہدرہ ٹاؤن کے علاقے ہجویری میں 2 منزلہ پرانی عمارت اچانک زمین بوس ہو گئی جس کے نتیجے میں 4 افراد ملبے تلے دب گئے۔ فوٹو: ایکسپریس

---

لاہور کے علاقے شاہدرہ میں 2 منزلہ عمارت منہدم ہو گئی جس کے نتیجے میں 2 افراد جاں بحق جب کہ 2 زخمی ہو گئے۔

ایکسپریس نیوز کے مطابق شاہدرہ ٹاؤن کے علاقے ہجویری میں 2 منزلہ پرانی عمارت اچانک زمین بوس ہو گئی جس کے نتیجے میں 4 افراد ملبے تلے دب گئے، ریسکیو اہلکاروں نے موقع پر پہنچ کر زخمیوں کو ملبے سے نکال کر اسپتال منتقل کر دیا جہاں شہزاد معراج سمیت 2افراد دم توڑ گئے جب کہ دیگر زخمیوں کی حالت تشویش ناک ہے۔

یہ عمارت پاکستان بننے سے پہلے ڈیڑھ مرلے پر تعمیر کی گئی تھی، اوپر والی منزل میں خالد نامی شخص اپنی اہلیہ نگہت اور بچوں سمیت قیام پذیر تھا جب کہ نچلی منزل میں شہباز عرف گوگا اور شہزاد معراج سلمیٰ ستارے کا کارخانہ چلاتے تھے۔