نواب شاہ مسلح افراد کی چلتی گاڑیوں پر فائرنگ بچہ جاں بحق 4 افراد زخمی

واقعے کے بعد عید منانے اپنے گھروں کو جانے والے افراد شدید خوف و ہراس میں مبتلا ہوگئے ہیں۔۔ فوٹو: فائل

---

قومی شاہراہ پر مسلح ڈاکوئوں نے چلتی گاڑیوں پر فائرنگ کردی جسکے نتیجے میں ایک بچہ شایان ہلاک، 4 افراد زخمی۔

تفصیلات کے مطابق نواب شاہ کے قریب قاضی احمد سکرنڈ کے درمیان واقع قومی شاہرہ پررین شاخ کے مقام پر 4 موٹر سوار مسلح افراد نے چلتی گاڑیوں پر فائرنگ شروع کردی جس کے نتیجے میں گزرنے والی مسافر گاڑیاں، ٹرک، ٹرالر اور کاریں ان کا نشانہ بنے۔



ایک گاڑی میں سوار 7 سالہ بچہ شایان گولی لگنے سے موقع پر ہی ہلاک جبکہ ایک عورت شدید زخمی ہوگئی، فائرنگ سے ایک ٹرالرڈرائیور بھی شدید زخمی ہوگیا، اسی دوران نیشنل ہائی وے سے گزرنے والی تمام گاڑیوں کے ڈرائیورں نے گاڑیاں روک کر ہائی وے بلاک کردی اور دھرنا دیکر بیٹھ گئے جبکہ مسلح افراد فرار ہوگئے۔ واقعے کے بعد عید منانے اپنے گھروں کو جانے والے افراد شدید خوف و ہراس میں مبتلا ہوگئے ہیں۔