یوایس اوپن اعصام کورٹ میں اُترے بغیرسیکنڈراؤنڈمیں داخل

تیسرے رائونڈ میں ان کے سامنے جیلینا جینکووچ آئیں گی۔ فوٹو : فائل

---

KARACHI: یوایس اوپن مینزڈبلز میں پاکستانی اسٹار اعصام الحق کورٹ میں اُترے بغیر دوسرے رائونڈ میں پہنچ گئے، انھیں اور ڈچ پارٹنر جین جولین روجرز کو واک اوور مل گیا، پہلے مرحلے میں ان کے حریف چائنیز تائی پے کے لوین شن اور قازقستان کے میخائل کوکوشین نے میچ سے دستبرداری اختیار کرلی، قبل ازیں مکسڈ ڈبلز میں اعصام اور خاتون پارٹنر چائنیز تائی پے کی ہائش شو وائی کو شکست کا سامنا کرنا پڑا تھا، سابق پارٹنر کویتا پشکے اور پولش پلیئر مارسن میٹکووسکی نے انھیں 6-4،6-4 سے زیر کیا۔ دریں اثنا سنگلز میں7 مرتبہ کی گرینڈ سلم فاتح وینس ولیمز مسلسل دوسری مرتبہ دوسرے رائونڈ تک محدود رہیں،

انھیں جرمنی کی 6 سیڈ اینجلیک کیربر نے 6-2،5-7 اور 7-5 سے ٹھکانے لگایا، ان کی چھوٹی بہن سرینا نے ایونٹ میں اپنا 60واں میچ جیت کر تیسرے رائونڈ میں جگہ بنالی، انھوں نے اسپینش حریف جوز مارٹینا سانچز کو 6-2،6-4 سے زیر کیا، سریناکا اگلا مقابلہ روس کی ایکٹرینا ماکارووا سے ہوگا جو انھیںآسٹریلین اوپن میں شکست دے چکی ہیں،ایکٹرینا نے روس کی الینا ویسنینا کو دوسرے رائونڈ میں مات دی، 2 سیڈ پولش پلیئر اگنیسکا ریڈوانسکا نے بھرپور مقابلے کے بعد اسپین کی کارلا سواریز نیوارو کیخلاف 4-6،6-3 اور 6-0 سے فتح پائی،

تیسرے رائونڈ میں ان کے سامنے جیلینا جینکووچ آئیں گی، سرب پلیئر نے دوسری اسپینش پلیئر لارا آروبیرا ویسینو کو 6-4،6-2 سے ہرایا۔مینز سنگلز میں بڑا اپ سیٹ فرنچ اسٹار جوئے ولفریڈ سونگا کی شکست ثابت ہوا، جنھیں سلواکیہ کے غیرمعروف پلیئر مارٹن کلزان نے6-4،1-6،6-1 اور 6-3 سے مات دی، ٹاپ سیڈ راجرفیڈرر نے جرمن حریف بورن پھائو کوہرایا۔