سیلفی کے جنون نے 16 سالہ لڑکی کی جان لے لی

برطانیہ میں بھی سیلفی لینے کی کوشش میں بھی ایک خاتون گر کر ہلاک ہوگئی تھی (فوٹو : فائل)

---

لاہور: دبئی میں نوجوان لڑکی 17 ویں منزل پر اپنے فلیٹ کی کھڑکی سے سیلفی لینے کی کوشش میں توازن قائم نہیں رکھ سکی اور نیچے گر کر ہلاک ہوگئی۔

بین الاقوامی خبر رساں ادارے کے مطابق دبئی میں شیخ زاید شاہراہ پر واقع کثیر المنزلہ رہائشی عمارت کے 17 ویں منزل کے فلیٹ پر مقیم ایشیائی لڑکی نے کھڑکی کے نزدیک کرسی رکھی اور اس پر چڑھ کر اس طرح سیلفی لینے کی کوشش کی جس سے عقب میں پورا شہر نظر آجائے۔ اس کوشش میں لڑکی لڑکھڑائی اور سیدھے نیچے آن گری۔

یہ خبر پڑھیں: سیلفی کا جنون ایک اورجان لے گیا

17 ویں منزل سے نیچے گرنے پر جواں سال لڑکی کی موت موقع پر ہی واقع ہوگئی۔ اہل خانہ نے پولیس کو بتایا کہ لڑکی کو سیلفی لینے کا شوق تھا اور روز ہی کوئی نہ کوئی سیلفی لے کر رشتہ داروں کو بھیجتی رہتی تھی اس بار بھی شہر کے حسین منظر کو اپنے عقب میں عکس بند کرنے کی کوشش میں کھڑکی سے نیچے گر گئی۔

یہ بھی پڑھیں: گوجرانوالہ میں سیلفی کے جنون نے 3 نوجوانوں کی جان لے لی

واضح رہے کہ سیلفی کے جنون میں جان گنوا دینے کا یہ پہلا واقعہ نہیں دنیا بھر میں ایسے متعدد واقعات پیش آچکے ہیں، ایک نوجوان عقب سے آتی تیز رفتار ٹرین کی سیلفی لینے کی کوشش میں ٹکر لگنے سے ہلاک ہو گیا تھا، اسی طرح ایک نوجوان لڑکی اپنے والد کی پستول کے ساتھ سیلفی لینے کے دوران غلطی سے گولی چل جانے پر ہلاک ہوگئی تھی۔