چیرمین نیب نے زیرالتوا مقدمات کی تحقیقات تیز کرنے کے لئے کمیٹی قائم کردی

چیرمین نیب قمرزمان چوہدری کی جانب سے قائم کردہ کمیٹی عید کی چھٹیوں کے فوری بعد کام شروع کردے گی فوٹو: فائل

---

چیرمین نیب نے سیاسی شخصیات اور بیوروکریٹس کے خلاف زیرالتوا مقدمات اور تحقیقات تیز کرنے کے لئے خصوصی کمیٹی تشکیل دے دی۔

خصوصی کمیٹی ڈپٹی چیرمین نیب سعید سرگانہ کی سربراہی میں کام کرے گی جس میں ایڈیشنل پراسیکیوٹرجنرل، ڈائریکٹرجنرل آپریشنزاور 2 ڈی جیز شامل ہوں گے، کمیٹی عید کی چھٹیوں کے فوری بعد کام شروع کردے گی۔ اس حوالے سے چیرمین نیب کو اے اینڈ پی ونگ کی طرف سے بریفنگ بھی دی گئی، چیرمین نیب کو بتایا گیا کہ نیب ایک ہزار 672 روپے کے 509 منصوبوں میں خریداری کو مانیٹرکررہا ہے جب کہ نیب نے اب تک قومی خزانے کو 300 ارب روپے کے نقصان سے بچایا ہے۔