کراچی میں شہریوں کے ہتھے ڈاکو چڑھ گئے ایک ہلاک دوسرا زخمی

تیسرا ساتھی اسلحے سمیت موقع سے فرار ہونے میں کامیاب ہوگیا فوٹو:فائل

---

کورنگی کے علاقے 4 نمبر کلو چوک کے قریب ڈکیتی کے بعد فرار ہونے والے 2 ڈاکوؤں کو عوام نے تعاقب کے بعد پکڑ کر تشدد کا نشانہ بنایا جس کے نتیجے میں ایک ڈاکو ہلاک جبکہ دوسرا زخمی ہوگیا۔

ایس ایچ او کورنگی عنایت اللہ مروت نے بتایا کہ ہلاک ہونے والے کی شناخت 26 سالہ اویس کے نام سے ہوئی جبکہ زخمی ہونے والے 25 سالہ نعمان کو طبی امداد فراہم کی جا رہی ہے۔

پولیس نے بتایا کہ ہلاک و زخمی ڈاکو لانڈھی کے رہائشی ہیں جن کے قبضے سے ایک پستول برآمد ہوا ہے جبکہ ان کا تیسرا ساتھی اسلحے سمیت موقع سے فرار ہونے میں کامیاب ہوگیا جس کی تلاش میں چھاپے مار رہے ہیں۔