در ابن خورد میں کھلونا نما بم پھٹنے سے 3 بچے جاں بحق ہوگئے۔

پولیس حکام کا کہنا ہے کہ ڈیرہ اسماعیل خان کے علاقے درابن خورد میں کھلونا نما بم پھٹنے سے 3 بچے جاں بحق ہوگئے، جاں بحق ہونے والے ڈیڑھ سالہ بچی، 9 سالہ اور 6 سالہ بچے ہیں۔

پولیس حکام کا کہنا ہے کہ تفتیش میں انکشاف ہوا ہے کہ جاں بحق ہونے والے بچوں میں سے ایک بچے کو کھیتوں میں کھلونا ملا جسے وہ اٹھا کر گھر لے آیا اور اپنے دیگر بہن بھائی کے ساتھ کھیلنے لگا تو دھماکا ہو گیا جس میں تینوں کی موت واقع ہوگئی۔