وزیراعظم کا کرتارپور آنیوالے سکھ یاتریوں کیلئے پاسپورٹ کی شرط ختم کرنے کا اعلان

کرتار پور آنے والے سکھ یاتریوں کو پاسپورٹ درکار نہیں ہوگا،محض درست شناخت ہی کافی ہوگی، وزیراعظم عمران خان فوٹوفائل

---

وزیراعظم عمران خان نے کرتارپور زیارت کے لیے پاکستان آنے والے سکھ یاتریوں کے لیے 2 شرائط ختم کردیں۔

وزیراعظم نے ٹوئٹ کرتے ہوئے کہا کہ کرتارپور زیارت کے لیے آنےوالے سکھوں کے لیے 2 شرائط ختم کردی گئی ہیں۔ پہلی انہیں پاسپورٹ درکار نہیں ہوگا، محض درست شناخت ہی کافی ہوگی۔ جب کہ دوسری ختم کی جانے والی شرط کے مطابق سکھ یاتریوں کو 10 روز قبل اندراج کروانے کی زحمت بھی نہیں اٹھانی پڑے گی۔

اس خبرکوبھی پڑھیں: بابا گرونانک کے 550 ویں جنم دن پر یادگاری سکہ جاری

وزیراعظم نے مزید کہا افتتاح اور گروجی کے550 ویں جنم دن کے موقع پر بھی کوئی واجبات وصول نہیں کیے جائیں گے۔

For Sikhs coming for pilgrimage to Kartarpur from India, I have waived off 2 requirements: i) they wont need a passport - just a valid ID; ii) they no longer have to register 10 days in advance. Also, no fee will be charged on day of inauguration & on Guruji's 550th birthday

— Imran Khan (@ImranKhanPTI) November 1, 2019

واضح رہے کہ وزیراعظم عمران خان کرتارپور راہداری کا باضابطہ افتتاح 9 نومبر کو کریں گے جس میں نوجوت سنگھ سدھو سمیت بھارت سے کئی اہم شخصیات کی شرکت متوقع ہے۔